प्रतिनिधिसभाका नवनियुक्त सचिवले शपथ लिँदै

काठमाडौं । प्रतिनिधि सभाका नवनियुक्त सचिव हर्कराज राईले आज पद तथा गोपनीयताको शपथ लिँदै छन् । सचिव राईको शपथ बिहान साढे ११ बजेलाई तय भएको सभामुख देवराज घिमिरेको सचिवालयले जनाएको छ ।

सिंहदरबारस्थित कृषि, सहकारी तथा प्राकृतिक स्रोत समितिको हलमा शपथ ग्रहण कार्यक्रम राखिएको छ । झापाका राईलाई सभामुख देवराज घिमिरेको सिफारिसमा राष्ट्रपति रामचन्द्र पौडेलले प्रतिनिधि सभाको सचिवमा मङ्गलवार नियुक्त गरेका थिए ।