काठमाडौं । ‘म्युजिक खबर म्युजिक अवार्ड’का लागि गीत सहभागी गराउन फाराम खुला गरिएको छ । २०६९ सालबाट निरन्तर आयोजना हुँदै आएको यस अवार्डको १२औं संस्करणका लागि स्रष्टा तथा कलाकारलाई आफ्नो सिर्जना सहभागी गराउन म्यूजिक खबरले आग्रह गरेको हो ।
१२औँ म्युजिक खबर म्युजिक अवार्ड–२०८१ का लागि फाराम खुला भइसकेको छ । जसमा राष्ट्रियभाव, चलचित्र, आधुनिक, लोकदोहोरी, पप र कल्चरल गीतका विभिन्न ३८ विधामा अवार्ड प्रदान गरिने छ । यस अवार्डलाई शुभकामना मिडिया सोलुसनले आयोजना गर्दै आएको हो ।
म्युजिक खबरको प्रस्तुतिमा रहेको यस अवार्ड कार्यक्रममा म्युजिक खबर फाउन्डेसनले सहकार्य गर्दै आएको छ । गीतसंगीत क्षेत्रमा क्रियाशील गायक गायिका, संगीतकार, गीतकार, निर्देशक, मोडल, छायाँकार, भिडिष्यो सम्पादकसम्मलाई प्रोत्साहन र सम्मान गर्दै आएको यस कार्यक्रममा अग्रजदेखि अनुजसम्मले सहभागी जनाउँदै आएका छन् ।
अवार्डसँगै युजिक खबरले दीर्घ साधना सम्मान, रजत संगीत सम्मान, दशक संगीत सम्मान, युवा प्रतिभा प्रोत्साहन सम्मान, संगीत पत्रकारिता सम्मान, डायस्पोरा संगीत सम्मान र बालप्रतिभा संगीत सम्मान समेत प्रदान गर्दै आएको छ ।
