काठमाडौं । नेकपा एमालेबाट निस्काश्ति भएपछि नयाँ पार्टी गठनको तयारीमा रहेका नेता भीम रावल सुनसरीमा तय भएको कार्यक्रम रोकिएपछि बाटोबाटै फर्किएका छन् ।
स्रोतका अनुसार नेता रावल सुनसरीमा भरौल भेट्रान क्लबले आयोजना गर्ने अन्तर्राष्ट्रिय आमन्त्रण भरौल भेट्रान गोल्ड फुटबल प्रतियोगिताको उद्घाटनका लागि आएका थिए । तर उनले उद्घाटन गर्ने भनिएको कार्यक्रम भने २२ पुससम्मका लागि सरेपछि फर्किएका हुन् ।
नेता रावललाई विराटनगरमा नेकपा एकीकृत समाजवादी पार्टी र दुर्गा प्रसाईंका समर्थकले स्वागत गरेका थिए । शनिबार विराटनगर आएका उनलाई विमानस्थलमा नेकपा एकीकृत समाजवादी पार्टीका केन्द्रीय सदस्य वसिल आलमसहित नेताहरूले स्वागत गरे ।
