काठमाडौं । पिंगलास्थानस्थित बागमती होटलमा युवती मृत भेटिएका घटनामा संलग्न फरार युवक पनि मृत अवस्थामा फेला परेका छन् ।
फरार रहेका देवबहादुर थापा शनिबार ओखलढुंगाको सुनकोशी गाउँपालिका-३ सिस्नेरीमा झुण्डिएको मृत अवस्थामा भेटिएको प्रहरीले जनाएको छ ।
नयाँ वर्षको दिन उक्त होटलको ३०८ नम्बरको कोठामा काठमाडौंको कागेश्वरी मनोहराकी २१ वर्षीया युवती सुस्मिता खड्का मृत फेला परेका थिए ।
गत बुधबार थापा र खड्का सोही होटलमा बसेका थिए । थापा मंसिरमा जापानबाट नेपाल आएको प्रहरीको अनुसन्धानमा देखिन्छ । यता सुस्मिता पनि जापानको तयारीमा थिए ।
उनीहरूबीचको सम्बन्ध र सुस्मिताको मृत्युको कारण प्रहरीले खोजी रहेको छ । यस्तोमा थापा पनि मृत भेटिएपछि प्रहरीका लागि थप अनुसन्धानको दायरा बढेको छ ।
