काठमाडौं । नेकपा एमाले केन्द्रीय कमिटीको बैठक आज पनि बस्दैछ । एमाले केन्द्रीय कमिटीको आठौं बैठक आज बिहान ११ बजेबाट पार्टी केन्द्रीय कार्यालय च्यासलमा सुरू हुने महासचिव शंकर पोखरेलले जानकारी दिए ।
आज पनि बैठकमा अध्यक्ष केपी शर्मा ओलीको राजनीतिक प्रतिवेदनमाथि सदस्यहरूले धारणा राख्नेछन् । आइतबार अध्यक्ष ओल्ीको प्रतिवेदनमाथि २७ जना केन्द्रीय सदस्यहरूले धारणा राखेका थिए ।
आइतबार सुदूरपश्चिम, कर्णाली र लुम्बिनीबाट प्रतिनिधित्व गर्ने केन्द्रीय सदस्यहरूले अध्यक्षको प्रतिवेदन तथा पार्टी निर्णय र सरकारको कामकारबाहीबारे बोलेका थिए ।
आइतबार अधिकांश केन्द्रीय सदस्यहरूले पार्टीमा गुटबन्दी झाँगिएकोबारे चिन्ता व्यक्त गरेका थिए । त्यस्तै पहिले पार्टी निर्णय अनुमोदन गराउने र त्यसपछि छलफल गराउनु विधिसम्मत नभएको भन्दै केही सदस्यले आपत्तिक जनाएका थिए ।
