बढ्याे उपत्यकाको न्यूनतम तापक्रम

काठमाडौं । काठमाडौं उपत्यकाको न्यूनतम तापक्रम दुई तीन दिनयता निरन्तर बढिरहेको छ । यसै क्रममा आज बिहान उपत्यकाको न्यूनतम तापक्रम ८ डिग्री सेल्सियस मापन गरिएको छ ।

तर आजको आधिकारिक न्यूनतम तापक्रम अहिले बिहान ८ः४५ बजे पुनः मापन गरिन्छ । त्यसबेला घटबढ हुन सक्ने मौसम पूर्वानुमान महाशाखाकी मौसमविद् प्रतिभा मानन्धरले जानकारी दिइन् ।

हिजो आइतबार उपत्यकाको न्यूनतम तापक्रम ७.२ डिग्री सेल्सियस थियो भने अधिकतम तापक्रम १७ डिग्री सेल्सियस थियो ।
मौसमविद मानन्धरका अनुसार आज पनि काठमाडौँ उपत्यकामा दिनभर घाम लाग्ने सम्भावना छैन । त्यसैले दिउँसो केही जाडो महसुस हुनेछ ।