काठमाडौं । संघीय मामिला तथा सामान्य प्रशासन मन्त्रालयले ९ शाखा अधिकृतलाई उपसचिवमा बढुवाका लागि सिफारिस गरेको छ । मन्त्रालय अन्तर्गत बढुवा समितिले नेपाल कृषि सेवाका विभिन्न सेवा, समूह र श्रेणीका रिक्त पदमा पदपुर्तिका लागि ९ जना शाखा अधिकृतलाई उपसचिवमा बढुवाका लागि सिफारिस गर्ने गरेको हो ।
जसमा नेपाल कृषि सेवा, बाली विकास (एग्रोनोनोमी) समूहतर्फ रिक्त उपसचिव पदमा १ जना, बाली संरक्षण समूहमा ४ जना र एगृ.इको. मर्केटिंग एण्ड स्टाटिष्टिक्स समूहतर्फ ४ जना सिफारिस भएका छन् । उनीहरु ज्येष्ठता र कार्यसम्पादनको मूल्यांकनद्वारा हुने बढुवाका लागि सिफारिस भएका हुन् ।
