रवि लामिछाने आज काठमाडौं जिल्ला अदालतमा उपस्थित हुँदै

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने आज (आइतबार) जिल्ला अदालत काठमाडौंमा उपस्थित हुँदैछन् । काठमाडौंको स्वर्णलक्ष्मी सहकारी ठगी अभियोगमा मुद्दा परेकाले उनी काठमाडौं अदालतमा आफैं उपस्थित हुन लागेका हुन् ।

पोखराको सूर्यदर्शन सहकारी ठगी मुद्दामा यही पुस २५ गते ६५ लाख धरौटी तिरेर रिहा भएका पूर्वगृहमन्त्री लामिछाने पुस २६ गते साँझ काठमाडौं आइपुगेका थिए । अब उनी आज काठमाडौं अदालतमा हाजिर हुने रास्वपाका कार्यवाहक प्रवक्ता मनीष झाले जानकारी दिए ।