काठमाडौं । संघीय मामिला तथा सामान्य प्रशासन मन्त्रालयले चार शाखा अधिकृतलाई उपसचिवमा बढुवाका लागि सिफारिस गरेको छ ।
मन्त्रालय अन्तर्गत बढुवा समितिले आज एक सूचना जारी गर्दै नेपाल कृषि सेवाका विभिन्न सेवा, समूह र श्रेणीका रिक्त पदमा चार जना शाखा अधिकृतलाई उपसचिव पदमा बढुवाका लागि सिफारिस गरेको जानकारी दिएको हो ।
नेपाल कृषि सेवाका भेटेरिनरी समूहतर्फ रिक्त उपसचिव पदमा २ जना, खाद्य पोषण तथा गुण नियन्त्रण समूहतर्फ १ जना, र जनरल फरेष्ट्री समूहतर्फ १ जनालाई ज्येष्ठता र कार्यसम्पादनको मूल्यांकनद्वारा हुने बढुवाका लागि सिफारिस गरिएको सूचनामा उल्लेख छ ।
