काठमाडौं । नेकपा एकीकृत समाजवादीका सम्मानित नेता झलनाथ खनालले माघे संक्रान्ति लगायत पर्वले परम्परागत मौलिक संस्कृतिहरुको संरक्षण गर्ने बताएका छन् ।
माघे संक्रान्तिको अवसरमा शुभकामना दिँदै उनले माघी लगायत विभिन्न समुदायले मनाउने पर्वले एकापसमा भातृत्व, पारस्पारिक सम्मान, सद्भाव र एकतालाई अझ बलियो हुनेगरी स्थापित गर्ने बताएका हुन् ।
नेपाल एक बहुजातिय, बहुभाषिक र बहुसांस्कृतिक मुलुक भएको उल्लेख गर्दै नेता खनालले यहाँका विभिन्न समुदायले मनाउने आफ्ना मौलिक चाडपर्वहरु र संस्कृतिलाई संरक्षण गर्नका लागि आफ्नै मौलिक परम्पराअनुसार विभिन्न पर्वहरु मनाउँदै आएको बताए ।
