हिल्सा पुग्यो सशस्त्र प्रहरी

काठमाडौ, ६ असार ।
सशस्त्र प्रहरी बलले उत्तरी सीमामा पनि आफ्नो उपस्थिती बढाउँदै लगेको छ । हुम्ला जिल्लाको हिल्सामा शनिबार सशस्त्र प्रहरीको बोर्डर आउट पोष्ट(बिओपी) स्थापना गरिएको छ ।

apf

हेलिकोप्टरमार्फत शनिबार आवश्यक बन्दोबस्तीका सामानसहित हिल्सामा सशस्त्र प्रहरी लगेर बिओपी उद्घाटन गरिएको छ । दुई साताअघि मात्र मुस्ताङको कोरला नाकामा बिओपी स्थापना गरिएको थियो ।

डिआईजी हरिभक्त प्रजापतीले नयाँ बिओपीको उद्घाटन गरेका छन् । भाडाको घरमा बिओपी स्थापना गरिएको हो ।