काठमाडौं । कोशी प्रदेशका नेपाली कांग्रेस कोशी प्रदेश संसदीय दलका नेता उद्धव थापामाथि झापामा आक्रमण भएको छ ।
प्रहरीका अनुसार नेपाल प्रेस युनियन झापाले दोमुखामा आयोजना गरेको कार्यक्रमबाट फर्कनेक्रममा पूर्वमुख्यमन्त्री समेत रहेका थापामाथि सुरुङ्गा नजिकै आक्रमण भएको हो ।
आक्रमणबाट पूर्वमुख्यमन्त्री थापाको निधारमा चोट लागेको प्रहरीले जनाएको छ । उनीमाथि आक्रमण गर्ने दुई जना पक्राउ परेका छन् । पक्राउ पर्नेहरू नेपाल विद्युत् प्राधिकरणका कर्मचारी हुन् ।
