काठमाडौं, ६ असार ।
इलाका प्रहरी कार्यालय भिमफेदीमा कार्यरत इन्सपेक्टर रामबालक राय घुससहित पक्राउ परेका छन् । प्रदेश प्रहरी कार्यालय हेटौंडाबाट खटिएको प्रहरी टोलीले उनलाई घुससहित पक्राउ गरेको हो ।
ठेकदार दुर्गा लामासँग घुस लिदै गरेको अवस्थामा उनी शनिबार पक्राउ परेका हुन् । भिमफेदी– ६ स्थित सगरमाथा होटलबाट उनलाई पक्राउ गरिएको प्रदेश प्रहरी कार्यालयले जनाएको छ । ठेकदार लामालाई विभिन्न वहानामा दुःख दिएर उनले घुस मागेका थिए । इन्सपेक्टर रायलाई अख्तियारमा बुझाउने प्रहरी तयारी छ ।
