गुडिरहेको बसबाट खसेका सहचालकको मृत्यु

काठमाडौं । पृथ्वीराजमार्ग अन्तर्गत तनहुँको छबिसेमा गुडिरहेको बसबाट खस्दा एक जनाको मृत्यु भएको छ । म्याग्दे गाउँपालिका–६ छबिसेमा पोखराबाट नारायणगढतर्फ आउँदै गरेको बा.४ ग ५८०१ नम्बरको बसबाट खसेका सहचालक २६ वर्षीय सन्जीब बोहोराको मृत्यु भएको हो ।

पोखरा महानगरपालिका–२८ घर भएका बोहोराको उपचारको क्रममा आइतबार साँझ मृत्यु भएको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक अशोक थापाले जानकारी दिए । दुर्घटनापछि बसका चालकलाई पक्राउ गरेर घटना अनुसन्धान अघि बढाइएको डीएसपी थापाले बताए ।