काठमाडौं । पोखरा महानगरपालिकाका मेयर, उपमेयर र प्रमुख प्रशासकीय अधिकृतको कार्यकक्षमा नेपाली कांग्रेसले तालाबन्दी गरेको छ ।
स्थानीयका अनुसार मेयर धनराज आचार्यले नगरसभा स्थगित गरेको विरोधमा कांग्रेसले मेयर, उपमेयर र प्रमुख प्रशासकीय अधिकृतको कार्यकक्षामा सोमबार तालाबन्दी गरेको हो ।
नेकपा एमालेले करारमा कर्मचारी नियुक्ति सम्झौता कार्यान्वयन नगर्न दबाब दिँदै सोमबारको नगर सभा बैठक बहिष्कार गरेको थियो । त्यसपछि मेयर आचार्यले नगर सभा बैठक स्थगित गरेका थिए ।
