काठमाडौं । नेकपा (माओवादी केन्द्र) पार्टी अध्यक्ष पुष्पकमल दाहाल प्रचण्डले अखिल क्रान्तिकारीको नेतृत्वका दाबेदारहरुसँग बेग्लाबेग्लै छलफल गरेका छन् ।
अध्यक्ष प्रचण्डले नेतृत्वका आकांक्षीहरू विराज थापा, सुदिन पौडेल, उपदेश यादव, विजयप्रकाश शर्मा सापकोटा, हेमन्त राईलगायतलाई खुमलटारमा बोलाएर छलफल गरेका हुन् ।
सर्वसम्मत नभए पवन कार्की समूहले पनि बेग्लै प्यानल बनाएर चुनाव लड्ने तयारी गरेको छ । अखिल क्रान्तिकारीमा ३२ वर्षे उमेरहद लागू भएपछि यसअघिका आकांक्षी सबै नेतृत्वको दौडबाट बाहिरिएका छन् । उनीहरुलाई पार्टीभित्र व्यवस्थापन गर्नेबारे छलफल भइरहेको छ ।
