काठमाडौं । नेकपा (बहुमत) को महासचिवमा धर्मेन्द्र बास्तोला चयन भएका छन् । काठमाडौंमा आयोजित पार्टीको ९औं महाधिवेशनले बास्तोलालाई महासचिव चयन गरेको हो ।
त्यस्तै, बास्तोलाको नेतृत्वमा ९९ सदस्यीय कार्यसमिति चयन गरेको हो । गत माघ ४ गते राष्ट्रिय नाचघरमा उद्घाटन समारोह र ५ गतेदेखि कीर्तिपुरस्थित त्रिविको अडिटोरियम हलमा बन्दसत्र सञ्चालन गरिएको थियो ।
बन्दसत्रमा अध्यक्ष मण्डलका सदस्य सरला रेग्मीले ९९ केन्द्रीय सदस्यहरुको नामावली प्रस्ताव गरेका थिए । सो प्रस्तावलाई हलले ताली बजाएर पास गरेको थियो ।
