काठमाडौं । खेलकुदका माध्यमबाट विद्यार्थीहरूमा अनुशासन मित्रता तथा सहअस्तित्वको भावना अभिवृद्धि गर्ने उद्देश्यले डीएभी कलेजले उपत्यका व्यापी छैटौँ फुटसल प्रतियोगिता आयोजना गर्ने भएको छ ।
कलेजका प्रिन्सिपल सुमन बस्नेतका अनुसार आफ्नै फुटसल मैदानमा माघ ६ गतेदेखि सञ्चालन हुनेछ । प्रतियोगितामा विजेता टिमले रु. ३ लाख नगद, ट्रफी तथा प्रमाणपत्र र उपविजेता टिमले रु. २ लाख नगद, ट्रफी र प्रमाणपत्र पाउने बस्नेतले जानकारी दिए ।
साथै सर्वाधिक गोलकर्ता, उत्कृष्ट गोलरक्षक तथा उत्कृष्ट खेलाडीलाई जनही रु. १५ हजार प्रदान गरिने उनले जानकारी दिए । ऐतिहासिक रूपमा सञ्चालन गरिने उक्त प्रतियोगितामा सुरुमा दर्ता हुने उपत्यकाका ४० वटा टिमलाई मात्र सहभागी गराइने बताइएको छ ।
