काठमाडौँ । समाजवादी मोर्चाले माघ १६ गते गर्ने भनिएको वृहत्त अन्तरक्रिया कार्यक्रम भोलि (मङ्गलवार)लाई सारिएको छ ।
एक नेताका अनुसार बुधवार सबै हल बुकिङ भइसकेकाले कार्यक्रम भोलि सारिएको हो । कार्यक्रम प्रज्ञा भवन कमलादीमा दिउँसो १२ बजे हुने छ ।
माघ २ गते बसेको मोर्चाको बैठकले सहिद दिवसको अवसरमा काठमाडौँमा अन्तरक्रिया कार्यक्रम गर्ने निर्णय गरेको थियो । ‘वर्तमान राष्ट्रिय राजनैतिक परिस्थिति र समाजवादी मोर्चा नेपालको कार्यभार’ विषयक कार्यक्रममा सहभागी हुन मोर्चाका नेताहरूले आग्रह गरेको छन् । मोर्चामा नेकपा माओवादी केन्द्र, एकीकृत समाजवादी, नेसपा र नेकपा सहभागी छन् ।
