परीक्षणसँगै संक्रमण हुनेको संख्या घट्यो, शुक्रबार ११८ थपिए

काठमाडौं, २६ असार
शुक्रबार नेपालमा एक सय १८ संक्रमित थपिएका छन् । स्वास्थ्य तथा जनसंख्या मन्त्रालया अनुसार चार हजार आठ सय १० जनाको परीक्षण भएकोमा एक सय १८ जनामा संक्रमण देखिएको हो ।

थपिएको संख्यासहित नेपालमा संक्रमितको संख्या १६ हजार ६ सय ४९ पुगेको छ । ८ हजार ११ जना डिस्चार्ज भएका छन् भने ८ हजार ६ सय ३ जना हाल उपचाररत छन् ।
सरकारले हरेक दिन १० हजार परीक्षण गर्ने बताएपनि चार हजार मात्र परीक्षण गरिरहेको छ । थोरै मात्र परीक्षण गरेकाले संक्रमितको संख्या घटेको छ ।
हाल क्वारेन्टाइनमा २३ हजार ९ सय १० जना छन् ।