सुनको मूल्यमा नयाँ रेकर्ड, प्रतितोला १ लाख ७७ हजार नजिक

काठमाडौं । नेपाली बजारमा आज (आइतबार) सुनको मूल्यले नयाँ कीर्तिमान बनाएको छ । नेपाल सुनचाँदी व्यवसायी महासंघका अनुसार आज सुन ६०० रुपैयाँले बढेर हालसम्मकै उच्च भएको हो ।

यसअघि शुक्रबार १ लाख ७६ हजार २०० रुपैयाँमा कारोबार भएको सुन आज प्रतितोला १ लाख ७६ हजार ८०० रुपैयाँ कायम भएको महासंघले जनाएको छ ।

सुनको मूल्य बढ्दा आज चाँदीको मूल्य भने घटेको छ । आज चाँदी १५ रुपैयाँ घटेर तोलामा २ हजार २५ रुपैयाँ कायम भएको हो । यसअघि शुक्रबार तोलामा २ हजार ४० रुपैयाँ कायम थियो ।