Logo
Logo

माकलबारीमा वर्कसपभित्रै युवकको हत्या, ६ जना पक्राउ


1.2k
Shares

काठमाडौं । काठमाडौंका माकलबारीमा एक युवकको हत्या भएको छ । सर्लाहीको चक्रघट्टा गाउँपालिका ८ घर भई हाल गोकर्णेश्वर नगरपालिका– ५ बाहुनधारा बस्ने १९ वर्षका राहुल साहको हत्या भएको हो ।

चैत ११ गतेदेखि हराइरहेका साहको चैत १५ गते माकलबारीको आरके मोटरसाइकल वर्कसपको पछाडी जमिनमा गाडीएको अवस्थामा शव फेला परेको थियो । हत्या गरी शव गाडेको अभियोगमा प्रहरीले ६ जनालााई पक्राउ गरेको छ ।

पक्राउ पर्नेमा सर्लाहीको चक्रघट्टा गाउँपालिका १ घर भई हाल जिल्ला गोकर्णेश्वर ५ बाहुनधारा बस्ने २२ वर्षका निपु मण्डल, १८ वर्षका बिजय यादव, १८ वर्षका करन कुमार महतो, २३ वर्षका जोधन मण्डल, ४५ वर्षका उत्तम मण्डल र भारतको बिहार घर भई हाल दक्षिणढोका वस्ने २९ वर्षका सुनिल शर्मा रहेका छन् ।

घटनाको प्रारम्भिक अनुसन्धानको क्रममा लेनदेनको विषयमा हत्या गरेको खुलेको र उनीहरुलाई पक्राउ गरिएको जिल्ला प्रहरी परिसर काठमाडौँका प्रवक्ता एसपी अपीलराज बोहराले जानकारी दिए । काठमाडौं जिल्ला अदालतबाट ५ दिन म्याद थप गरि उनीहरुमाथि थप अनुसन्धान भइरहेको प्रहरीले जनाएको छ ।

प्रतिक्रिया दिनुहोस्