काठमाडौं । प्रधानमन्त्री केपी शर्मा ओलीले प्रतिनिधिसभा बैठकमा सम्बोधन गरिरहँदा राप्रपाका सांसदले अवरोध गरेका छन् ।
विपक्षीहरूको माग अनुसार संसद्मा सम्बोधन गर्न पुगेका प्रधानमन्त्री ओलीले बोलिरहेका बेला राप्रपाका सांसद ज्ञानेन्द्र बहादुर शाही उठेर हो–हल्ला गरेका हुन् । त्यसपछि राप्रपाका अन्य सांसद पनि उठेर विरोध गरे ।
त्यसक्रममा प्रधानमनत्री ओलीले पूर्वराजा ज्ञानेन्द्र शाहले उन्मुक्ति नपाउने भन्दै व्यवस्था मास्छु भन्नेले श्रृंखलावद्ध घटनामा सार्वजनिक गर्नुपर्ने बताएका थिए । सभामुखले राप्रपाका सांसदलाई आफ्नो स्थानमा बस्न आग्रह गरे पनि नटेरीकन उनीहरू उठेर विरोध गरिरहेका छन् ।
