संसदमा दिएको प्रधानमन्त्रीको जवाफप्रति कांग्रेसको आपत्ति 

काठमाडौं। नेपाली कांग्रेसका महामन्त्री एवं प्रतिनिधिसभा सदस्य विश्वप्रकाश शर्माले प्रधानमन्त्री केपी शर्मा ओलीले अदालतमा विचाराधीन विषयमा संसद्मा आएर जवाफ दिएको भन्दै आपत्ति जनाएका छन् । प्रतिनिधिसभाको विशेष समयमा शर्माले सभामुख देवराज घिमिरेले अदालतमा विचाराधीन विषयमा प्रधानमन्त्रीलाई बोलाएर संसद्मा जवाफ दिन किन बोलाएको भन्दै प्रश्न गरे । 

विपक्षी दलहरूले गत बुधवारबाट नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले हटाएको विषयमा प्रधानमन्त्रीले जवाफ दिनुपर्ने भन्दै संसद् अवरुद्ध गर्दै आएका थिए । त्यो अवरोधलाई खोल्न प्रधानमन्त्री ओलीले आज प्रतिनिधिसभामा सम्बोधन गरेका थिए ।

 लामो समय देखी अवरुद्ध रहेको संसद् प्रधानमन्त्रीको सम्बोधनसँगै सुचारु भएको छ ।