हेटौँडा । नेकपा एमाले मकवानपुरले गणतन्त्रको पक्षमा हेटौँडामा प्रदर्शन गरेको छ। सोमबार आयोजित प्रदर्शनमा र्यालीसहित सिमाचोकमा जागरण सभा गरिएको थियो।
एमालेले हेटौँडाको चार स्थान—पूर्वमा सानो पोखरा, पश्चिममा हेटौँडा हस्पिटल, उत्तरमा चौकीटोल ओरालो, र दक्षिणमा फरेष्ट्रिबाट र्याली निकालेर सिमाचोकमा भेला भएको थियो। बजार परिक्रमा गर्दै सिमाचोक पुगेको र्याली अन्ततः सभामा परिणत भएको थियो।जागरण सभालाई एमालेका केन्द्रीय नेताहरूले सम्बोधन गरेका थिए।
पछिल्लो समय नेपालमा राजावादीहरूको चहलपहल बढेको भन्दै गणतन्त्रवादीहरूले पनि विभिन्न शक्ति प्रदर्शनका कार्यक्रमहरू आयोजना गर्दै आइरहेका छन् । राजावादीको कार्यक्रम रहेको गत चत्रै १५ गते पनि समाजवादी मोर्चाले काठमाडौंमा एउटा कार्यक्रमको आयोजना गरेको थियो ।
राजावादीहरूको आन्दोलन भनिएको काठमाडौंको तीनकुनेमा गरिएको आन्दोलन अनियन्त्रित हुँदा ठुलो जनधनको क्षति हुन पुगेको थियो । सरकारमा रहेको पार्टीनै सडकमा आउने स्थितिलाई नियाल्दा सरकार प्रति पनि जनताको आशा भरोसा मर्दै गएको देखिएको छ ।
