काठमाडौं । काठमाडौं महानगरपालिकाका प्रमुख प्रशासकीय अधिृकत सरोज गुरागाईं कार्यालय उपस्थित भएका छन् । उनलाई रोक्न महानगरका मेयर बालेन साहले गेटमै नगर प्रहरी खटाएका थिए । तर, कर्मचारीलरुले उनलाई रोक्न नदिइ कार्यालय प्रवेश गराएका हुन् । अहिले गुरागाईंकाे कार्यकक्षमा मेयर बालेन साहले लगाएकाे ताला फाेड्ने प्रयास कर्मचारीहरूले गरिरहेका छन् ।
यसअघि आधिकारिक नक्सा पास प्रणाली भन्दा बाहिर गइ नक्सापास स्वीकृति दिएको पाइएपछि महानगरले पुस ७ गते जिम्मेवारीबाट हटाएको थियो ।
त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि महानगर प्रमुख प्रशासकीय अधिकृतविहीन छ ।
यस्तो अवस्थामा आफूहरूले तलबसमेत खान नपाएको भन्दै कर्मचारीहरू आक्रोशित बनेका थिए । कर्मचारी र जनप्रतिनिधिले घेराउमा राखेर गुरागाईँलाई कार्यालय प्रवेश गराएका हुन् ।
