गुरागाईंको कार्यकक्ष अगाडि तनाव, ढोकाको सिसा फुट्यो

काठमाडौं । काठमाडौं महानगरपालिकाभित्र तनाव सिर्जना भएको छ । प्रमुख प्रशासकीय अधिकृत सरोज गुरागाईँलाई कार्यकक्ष प्रवेश गराउने क्रममा नगर प्रहरीले हस्तक्षेप गरेपछि तनाव सिर्जना भएको हो ।

गुरागाईँको कार्यकक्षमा महानगर प्रमुख बालेन साहले ताला लगाइदिएका छन् । कर्मचारी र जनप्रतिनिधिले कार्यकक्षमा लगाइएको ताला फुटाउने प्रयास गर्दा नगर प्रहरी प्रमुख राजु पाण्डेसहित नगर प्रहरीको ठूलो जत्थाले हस्तक्षेप गरेको हो ।

ताला फुटाउने क्रममा कार्यकक्षको ढोकाको सिसा फुटेको छ । नगर प्रहरी प्रमुख पाण्डेले कार्यालयको आदेश भन्दै कर्मचारी र जनप्रतिनिधिलाई बाहिर निस्किन चेतावनी दिएका छन् ।