काठमाडौं । नेपाल स्टक एक्सचेञ्ज (नेप्से) मा नेपाल माइक्रो इन्स्योरेन्स (NMIC) को आईपीओ सूचीकृत भएको छ । कम्पनीले सर्वासाधारण सेयरधनीहरुमा वितरण गरिएको २२ लाख ५० हजार कित्ता र संस्थापक सेयर धनीहरूले लगानी गरेको ५२ लाख ५० हजार कित्ता गरी कुल ७५ लाख कित्ता शेयर बिहीबार नेप्सेमा सूचीकृत भएको हो ।
धितोपत्र सूचीकरण सम्झौता सम्पन्न भएको दोस्रो कारोबार दिनबाट कम्पनीको धितोपत्र दोस्रो बजारमा कारोबार सुरु हुनेछ । कम्पनीको सेयर चैत २४ गते, आइतबारदेखि दोस्रो बजारमा कारोबार गर्न सकिनेछ ।
पहिलो कारोबारका लागि नेप्सेले कम्पनीलाई १०० रुपैयाँ ८० पैसादेखि ३०२ रुपैयाँ ४० पैसासम्मको ओपनिङ्ग रेञ्ज प्रदान गरेको छ । सोही रेञ्जका आधारमा आइतबार स्पेशल प्रि ओपन सेसनमा कारोबार भएपश्चात नियमित बजारमा कारोबार हुनेछ ।
