काठमाडौं, ४ साउन ।
भारतमा हरेक दिन कोरोना संक्रमणको दरमा नयाँ रेकर्ड बन्न थालेको छ। त्यहाँ शनिबार ३७ हजार ४ सय ७ संक्रमित थपिएका छन्। यो अहिलेसम्मकै उच्च हो ।
भारतमा आइतबार बिहानसम्म संक्रमितको संख्या १० लाख ३८ हजार ७ सय १६ पुगेको छ। शनिबार ५ सय ४३ जनाको मृत्यु भएको छ,। शनिबार महाराष्ट्रमा संक्रमितको संख्या ३ लाख ९ सय ३७ पुगेको छ भने २४ घण्टामा यहाँ ८ हजार ३ सय ४८ संक्रमित थपिएका छन्।
मुम्बईमा मात्र संक्रमितको संख्या १ लाख ३ सय ५० छ। यहाँ ११ हजार ५ सय जनाको मृत्यु भएको छ।
एकै दिन ३० हजारभन्दा बढी संक्रमित थपिएको यो लगातार तेस्रो दिन हो। यसअघि १६ जुलाईमा ३२ हजार ६ सय ९५ र १७ जुलाईमा ३४ हजार ९ सय ५६ संक्रमित थपिएका थिए। १२ जुलाईयता लगातार २८ हजारभन्दा बढी संक्रमित हरेक दिन थपिइरहेका छन्।
अमेरिका र ब्राजिलपछि भारतमा सबैभन्दा धेरै संक्रमित छन् ।
