सशस्त्र प्रहरीको प्रवक्तामा राजु अर्याल

काठमाडौं, ११ साउन ।
सशस्त्र प्रहरी बलको प्रवक्ताको जिम्मेवारी डिआईजी राजु अर्यालले पाएका छन् । आइतबारदेखि उनले प्रवक्ताको जिम्मेवारी सम्हालेको सशस्त्र प्रहरी बल, प्रधान कार्यालयले जनाएको छ ।

यसअघि प्रवक्ता रहेका प्रवीणकुमार श्रेष्ठको उपत्यका बाहिनीमा सरुवा भएपछि अर्यालले सो जिम्मेवारी पाएका हुन् । अर्याल यसअघि प्रदेश २ स्थित सशस्त्र प्रहरी बाहिनीमा कार्यरत थिए ।