ललितपुरमा ट्राफिक प्रहरीमाथि निर्मम कुटपिट

काठमाडौं, १८ भदौ ।
ललितपुरमा एक ट्राफिक प्रहरीमाथि निर्मम कुटपिट भएको छ । मछिन्द्रनाथको रथ तान्नेसम्बन्धि विवादमा ट्राफिक प्रहरीमाथि कुटपिट भएको छ ।

प्रहरी चढेको मोटरसाइकल लडाएर उनीमाथि कुटपिट भएको हो । त्यससम्बन्धि भिडिया सामाजिक सञ्जालमा भाइरल भइरहेको छ । कोरोना संक्रमणका कारण प्रशासनले रथ तान्ने रोकेपछि केही स्थानीय जम्मा भएर रथ तान्न खोजेपछि प्रहरीले बल प्रयोग गरेको थियो । जसक्रममा आक्रोशित भिडले एक्लै रहेका ट्राफिक प्रहरीलाई नियन्त्रणमा लिएर कुटपिट गरेका हुन् ।
घाइते ट्राफिक प्रहरीको अल्का अस्पतालमा उपचार भइरहेको छ । यो घटनाको सामाजिक सञ्जालमा निन्दा भइरहेको छ ।