उच्च जोखिममा उपत्यका, काठमाडौंमा ६२० सहित  ६९६ मा एकै दिन संक्रमण

काठमाडौं, २६ भदौ ।
उपत्यकामा संक्रमण ह्वात्तै बढेको छ । शुक्रबार काठमाडौंमा ६ सय २० सहित उपत्यकामा ६ सय ९६ जनामा संक्रमण पुष्टि भएको छ । संक्रमण बढीरहेका बेला निषेधाज्ञा खुकुलो बनाइएको संक्रमण झन् बढ्ने जोखिम छ ।

पछिल्लो २४ घन्टामा १४५४ जनामा संक्रमण पुष्टि भएको छ ।
यो अवधिमा ९७२ जना निको भएको र पाँच जनाको मृत्यु भएको छ । कुल संक्रमितको संख्या ५१ ह्जार ९ सय १९ पुगेको छ । तीन सय २२ जनाको मृत्यु भएको छ भने ३६ हजार ६ सय ७२ जना निको भएका छन् ।