उदयपुर, २२ असोज । सिद्धिचरण लोकमार्गअन्र्तगत कटारी–वेतेनी सडकखण्डमा कन्टेनर दुर्घटना हुँदा दुई जनाको मृत्यु भएको छ । बुधबार साँझ ओखलढुंगाबाट उदयपुरको कटारीतर्फ आउँदै गरेको ना.५.ख. नम्बरको खाली कन्टेनर कटारी नगरपालिका–८ सिरिसेस्थित सानादमारमा दुर्घटना भएको थियो । सो दुर्घटनामा कटारी नपा–८ का मिनबहादुर रानामगर र गोलबजार नगरपालिका सिरहाका राकेश यादवको मृत्यु भएको इलाका प्रहरी कार्यालय कटारीका डीएसपी हेमन्त भण्डारी क्षेत्रीले बताए ।
सो दुर्घटनामा अन्य दुई जना घाइते भएका छन् । दुर्घटनामा गम्भीर घाइते भएका चालक झापा दमक घर भएका योगेन्द्र दाहाल र वराहाक्षेत्र नगरपालिका सुनसरीका विजय भुजेल रहेका छन् । उनीहरुको उपचारका लागि बुधबार राती नै नोवेल अस्पताल विराटनगर पठाइएको छ ।
