लोक सेवा आयोगको सबै परीक्षा स्थगित

काठमाडौं, ३ कात्तिक ।
लोक सेवा आयोगले सबै परीक्षा स्थगित गरेको छ । आयोगले कात्तिक १६ गतेदेखि लिखित परीक्षा सुरु गर्न लागेको थियो ।

कोरोना भाइरसको महामारीका कारण लोकसेवाकै कर्मचारी पनि संक्रमित भएका कारण सबै परीक्षा स्थगित गरिएको आयोगले जनाएको छ ।
आयोगले सोमबार सूचना जारी गर्दै कात्तिक १६ देखि हुने भनिएका सम्पूर्ण लिखित परीक्षाका कार्यक्रम कात्तिक ३ गतेको निर्णयबमोजिम अर्को सूचना प्रकाशित नभएसम्मका लागि हाललाई स्थगित गरेको आयोगद्वारा जारी सूचनामा उल्लेख छ ।