सुतीरहेको अवस्थामा गोली हानी युवतीको हत्या

रौतहट, २७ कात्तिक ।

रौतहटमा गोली हानी युवतीको हत्या भएको छ । माधव नारायण नगरपालिका वडा नम्बर ७ लौकाहाका राम अयोधी साहकी १८ वर्षीया छोरी अमृता कुमारी साहको हत्या भएको हो ।

गएराती ११ बजेको समयमा घरमा सुतिरहेको अवस्थामा साहको हत्या भएको स्थानीय ओम प्रकाश यादवले बताए । घटनाको खबर पाएपछि जिल्ला प्रहरी कार्यालय गौरबाट प्रहरीको टोली घटना स्थल पुगेर अनुसन्धान अघि बढाएको छ ।