काठमाडौं, ५ पुस ।
प्रधानमन्त्री केपी शर्मा ओलीले अनपेक्षित रुपमा संसद बिघटनको सिफारिस गरेपछि प्रचण्ड र माधव पक्षका नेताहरु छलफलमा जुटेका छन् । प्रचण्ड निवास खुमलटारमा छलफल सुरु भएको छ ।
बैठकमा प्रचण्ड, नेपालसहित झलनाथ खनाल, नारायणकाजी श्रेष्ठ लगायत नेताहरु सहभागी छन् ।
संसद बिघटन भएमा कसरी अघि बढ्ने भन्नेमा उनीहरु छलफलमा जुटेका छन् । स्रोतका अनुसार राष्ट्रपतिबाट बिघटनको घोषणा भएमा प्रचण्ड र नेपालले आफु निकट मन्त्रीहरुलाई राजिनामा गराउने तयारीमा छन् ।
संसद बिघटन गरेर ओलीले बैशाखमा मध्यावधि निर्वाचन घोषणाको तयारी गरेका छन् ।
अपडेटः
सो छलफलमा केही मन्त्रीहरु समेत थिए । छलफल सकाएर प्रचण्डले ओलीसँग छलफल गर्न बालुवाटार पुगेका छन् । ओलीसँग सबै वास्तविकता बुझेर निर्णय गर्ने सो समुहको तयारी छ ।
