काठमाडौं, १ माघ । आन्दोलनका कार्यक्रम प्रभावकारी बनाउन नेपाल कम्युनिष्ट पार्टी प्रचण्ड–नेपाल समूहको स्थायी कमिटी बैठक बस्ने भएको छ ।
आज अपरान्ह ३ बजे पार्टी कार्यालय पेरिसडाँडामा बोलाइएको बैठकमा अहिलेसम्मको परिस्थितिको समिक्षा र सांगठिनक कामका बारेमा छलफल हुने प्रवक्ता नारायणकाजी श्रेष्ठले जानकारी दिए ।
बैठकले प्रतिनिधिसभा विघटन विरुद्धको आन्दोलनलाई थप सशक्त बनाउनेबारेमा पनि रणनीति बनाउने भएको छ । प्रदेश सरकारका विषयमा पनि छलफल हुने भएको छ ।
यस्तै बैठकमा कांग्रेससँगको छलफलका बारेमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले स्थायी कमिटी सदस्यहरुलाई जानकारी गराउने तयारी रहेकोछ ।
