भारतमा फुटपातमा सुतिरहेका मजदुरमाथि ट्रक कुद्दा १३ जनाको मृत्यु

भारत, ६ माघ । भारतको गुजरात राज्यमा सोमबार राति फुटपाथमा सुतेका मजुदरलाई ट्रकले किच्दा कम्तिमा १३ जनाको मृत्यु भएको छ ।

भारतीय सञ्चारमाध्यमहरूका अनुसार सुरतनजिकैको कोसाम्बा क्षेत्रको फुटपाथमा सुतेका मजदुरमाथि ट्रक कुदेको थियो। उखु बोकेको ट्याक्ट्ररसँग ठोक्किएपछि ट्रकका चालकले नियन्त्रण गुमाएकाले दुर्घटना भएको समाचारमा उल्लेख गरिएको छ ।

भारतका सञ्चारमाध्यमले जनाए अनुसार राजस्थानको बान्सावारा जिल्लाका दैनिक ज्यालादारी गर्ने १८ जना मजदुरहरू फुटपाथमै सुतेका थिए। दुर्घटनामा घाइते भएका अरूलाई अस्पताल लगिएको जनाईएको छ ।