विराटनगर, ७ माघ ।
इन्सपेक्टर पप्पु नायक । केही वर्षयता यो नामको प्रहरीमा चर्चा बढेको छ । उत्कृष्ट काम गरेर नै उनको चर्चा बढेको हो ।
गत वर्ष रौतहटको बमकाण्डमा पूर्व मन्त्री अफताम आलमको घटनाको अनुसन्धान अधिकृत यिनै प्रहरी अधिकृत थिए । हाल जिल्ला प्रहरी कार्यालय मोरङमा कार्यरत रहेका उनले त्यहाँ पनि उत्कृष्ट काम गरेका छन् । सोही आधारमा प्रदेश प्रहरी कार्यालयले उनलाई पुस महिनाको उत्कृष्ट प्रहरी घोषणा गरेको छ ।
विभिन्न अपराधिक घटनाको उत्कृष्ट अनुसन्धान गरेको र फरार अभियुक्तलाई पक्राउ गर्न सफल भएकाले उनलाई पुरस्कार दिइएको प्रदेश प्रहरी कार्यालयले जनाएको छ ।
