काठमाडौं, १० माघ ।
प्रहरी प्रधान कार्यालयले दुई जिल्लाका एसपीको हेरफेर गरेको छ । डोटीमा दानबहादुर मल्ल तथा सिराहामा सुदीप राज भण्डारीलाई पठाएको छ ।
डोटीमा कार्यरत जनकराज पाण्डे तथा सिराहा उमाशंकर पञ्जियार एसएसपीमा बढुवा भएपछि ती जिल्लामा एसपीको काज सरुवा गरिएको हो ।
प्रहरी प्रधान कार्यालयले एसपीमा पनि बढुवाको तयारी थालेको छ । एसपीका १५ रिक्त पदमा ३४ डिएसपीबीच प्रतिस्पर्धा छ । केही दिनभित्रै बढुवाको तयारी गर्ने तयारी भइरहेको स्रोत बताउँछ ।
२०५८ सालमा इन्सपेक्टरमा भर्ना भएका एउटै ब्याचमा ३४ जना डिएसपी एसपी बढुवाको प्रतिस्पर्धामा छन् ।
वरियतामा बढुवा भएका भुवनेश्वर तिवारी, ऋषिराम कँडेल, राजकुमार सिलवाल, अमरेन्द्र बहादुर सिंह, श्यामसिंह चौधरी, नकुल पोखरेल, पदम विष्ट, महेन्द्र श्रेष्ठ, राजेन्द्रबाबु रेग्मी, वासुदेव खतिवडा अगाडी छन् ।
त्यस्तै डिएसपी बढुवामै पछि बढुवा भएका योगेन्द्रसिंह थापा, दिलीप घिमिरे, वीरेन्द्र शाही, सुवासचन्द्र बोहरा, जनकबहादुर शाही, रामहरि पाण्डे, प्रजित केसी, रामेश्वर कार्की, लक्ष्मीराज अधिकारी, जनकबहादुर शाही, अर्जुन रानाभाट, अर्जुन तिमल्सिना, चक्रराज जोशी, सुमन तिमल्सिना, देवेन्द्र पाल, भीमकिरण बोगटी, सीताराम रिजाल, रमेश पण्डित, सरोज पौडेल, विष्णुहरि कोइराला, नरहरि रेग्मी, नेत्रमणि गिरी, विनोद शर्मा र हेरम्ब शर्मा पनि बढुवाको प्रतिस्पर्धामा छन् ।
