एजेन्सी, १० माघ । छिमेकी मुलुक भारतमा मानिसहरुले हात्तीमाथि जलिरहेको टायर आक्रमण गरेको छ । बीबीसी हिन्दीका अनुसार भारतको तमिलनाडुमा मानिसहरुले हात्तीमाथि जलिरहेको टायर फालेको हो ।
उक्त टायर हात्तीको शरीरबाट नझरेपछि त्यसले जलेर हात्ती मरेको छ । आगोले घाइते भएको उक्त हात्तीको उपचारकै क्रममा मृत्यु भएको हाे । सार्वजनिक भिडियाेमा मानिसहरुले हात्तीमाथि जलिरहेको टायर फालेको देखिन्छ । उक्त भिडियाे सार्वजनिक भएपछि तमिलनाडुमा भएको यस घटनाको विश्वभरबाट निन्दा भइरहेको छ ।
हात्तीमाथि जलिरहेको टायर आक्रमण गरेको अभियोगमा प्रहरीले दुई व्यक्तिलाई पक्राउ गरेको छ । बीबीसी हिन्दीका अनुसार निलगिरिको मावानेलाको रेमन्ड र प्रशान्त नाम गरेका दुई व्यक्ति पक्राउ परेका छन् । तेस्रा व्यक्ति रेयानको पनि खोजी भइरहेको छ ।
उनीहरु तीनै जनामाथि वन्यजन्तु संरक्षण कानुन अन्तर्गत कारवाही अगाडि बढाइने छ ।
भिडियाे-
Barbaric act in Nilgiris, Tamilnadu. An elephant was attacked with a burning tyre, in a private resort, killing the animal. Hope the guilty are punished for this inhumane act of violence. #WA#EveryLifeMatters#SaveWildlifepic.twitter.com/iLJn2yxgdq
