काठमाडौं, १० माघ ।
पूर्व माओवादी पक्षलाई आफुतर्फ तान्न प्रधानमन्त्रीले बालुवाटारमा पूर्व लडाकुको भेला बोलाएका छन् । शनिबार उनले पूर्व लडाकुलाई बोलाएर उनीहरुको माग सम्बोधन गर्ने आश्वासन दिई आफ्नो पक्षमा लाग्न अनुरोध गरेका हुन् ।
रमाइलो कुरा के भने भेलामा ओली पक्षमै लागेका पूर्व माओवादी नेता भने थिएनन् । गृहमन्त्री रामबहादुर थापा ‘बादल,’ उद्योगमन्त्री लेखराज भट्ट, खानेपानी मन्त्री मणि थापा, खेलकुद मन्त्री दावा लामा लगायत पूर्व माओवादी नेता ओली पक्षमा लागेका थिए । तर, शनिबारको भेलामा उनीहरु उपस्थित थिएनन् ।
कार्यक्रममा सुवास नेम्वाङ, विष्णु पौडेल, विष्णु रिमाल लगायत ओली निकट नेता हुँदा पूर्व माओवादी निकट कोही पनि नहुनुलाई अनौठो रुपमा लिइएको छ । 
शुक्रबारको आमसभामा प्रचण्डले पुर्व लडाकुको रेखदेख ओलीले गर्ने रे ! भनेर व्यंग्य गरेको भोलिपल्ट ओलीले पूर्व लडाकुको भेला ढाकेका हुन् ।
