भारत — भारतको सोनी टिभीमा प्रसारण हुने चर्चित कमेडी शो ‘द कपिल शर्मा शो’ कार्यक्रम पुनः बन्द हुँदैछ । थुप्रै पटक बन्द भएपछि पनि द कपिल शर्मा शोको चर्चा कम भएको छैन । यसैबीच पनि यो कार्यक्रम पुनः बन्द हुन लागेको खबर सार्वजनिक भएको छ ।
भारतका सञ्चारमाध्यमले जनाए अनुसार द कपिल शर्मा शोले चाँडै नै दर्शकलाई बाईबाई भन्दै छ । इन्टरटेन्मेन्ट वेब पोर्टल टेलिचक्करको एक रिपोर्टलाई विश्वास गर्ने हो भने द कपिल शर्मा शो बन्द गर्ने योजनामा निर्माण पक्ष रहेको छ । केही समयपछि निर्माताले द कपिल शर्मा शोलाई नयाँ सिजनमार्फत् फिर्ता ल्याउने योजना बुनिरहेका छन् ।
नयाँ सिजनमा ‘द कपिल शर्मा शो’ एकदम नयाँ अन्दाजमा आउनेछ । यस्तोमा द कपिल शर्मा शोको कास्टमा पनि भारी फेरबदल हुने संकेत मिलेको छ । यो स्पष्ट भइसकेको छ कि कमेडी शो द कपिल शर्मा शो एउटा सानो ब्रेकपछि पुनः टिभीमा फिर्ता हुनेछ ।
