कञ्चनपुर, १४ माघ । कञ्चनपुरमा एक घरबेटी पक्राउ परेका छन् । डेरा गरी बस्दै आएकी किशोरीमाथि बलात्कार प्रयासको आरोपमा एक जना घरबेटीलाई प्रहरीले पक्राउ गरेको हो ।
पक्राउ पर्नेमा जिल्लाको भीमदत्त नगरपालिका वडा नम्बर ३ भाँसीका ४८ वर्षीय घरबेटी पुष्पराज जोशी रहेका छन् । उनलाई आफ्नै घरमा डेरा गरी बसेकी १७ वर्षिया किशोरीलाई बलात्कार प्रयास गरेको आरोप छ ।
मंगलबार जोशीलाई किशोरीले दिएको किटानी जाहेरीका आधारमा पक्राउ गरिएको जिल्ला प्रहरी कार्यालय कञ्चनपुरका प्रहरी निरीक्षक राजेश शाहीको भनाई छ ।
प्रहरीका अनुसार किशोरीको भाइ कोठामा नभएको बेला माघ १२ गते राती जोशीले किशोरीमाथि बलात्कार प्रयास गरेको किटानी जाहेरीमा उल्लेख छ । जोशीविरूद्ध अदालतबाट म्याद थप गरेर घटनाबारे अनुसन्धान गरिएको प्रहरीको भनाई छ ।
