कोभिडविरुद्धको खोप अभिनयान : ८० वर्षीय जेष्ठ नागरिकले पनि लगाए खोप

काठमाडौं, १४ माघ । आजदेखि देशभरी कोभिडविरुद्धको खोप अभियान सुरु भएको छ । अभियानको पहिलो दिन टेकुमा ८० वर्षका व्यक्तिले पनि कोरोनाविरुद्धको खोप लगाएका छन् ।
टेकु अस्पतालका रेडियोलोजिष्ट ८० वर्षीय नेत्रबहादुर अमात्यले कोरोनाविरुद्धको खोप लगाएका हुन् । पहिलो चरणमा स्वास्थ्यकर्मी, सुरक्षाकर्मी, सफाइकर्मीलगायतलाई खोप दिइएको छ ।
भारत सरकारले अनुदानमा दिएको १० लाख डोज कोभिशिल्ड खोप लगाउन लागिएको हो । यो खोप भारतमा ७० प्रतिशत प्रभावकारी देखिएको छ ।