काठमाडौं, १४ माघ । साताको चौथो करोबार दिन सेयर बजार परिसूचक नेप्से दोहोरो अंकले बढेको छ । बजार परिसूचक नेप्से बुधबार १८ दशमलव ७६ अंकले बढ्दा २ हजार ४ सय ४१ दशमलव ८५ अंकमा बन्द भएको छ । जुन अंक हालसम्मकै उच्च हो ।
सेन्सेटिभ इन्डेक्स शून्य दशमलव ८६ अंकले घटेर ४ सय ४६ दशमलव ३८ विन्दुमा झरेको छ । मंगलबार रू ८ अर्ब २७ करेड ९६ लाख ४ हजार बरावरको शेयर खरीदविक्री भएको थियो । बुधबारको कारेबारको दिन रू ८ अर्ब ६ करोड २ लाख ३८ हजार बराबरको शेयर कारोबार भएको हो । मंगलबारको तुलनामा भने कारोबार रकम घटेको हो ।
यस दिनको कारोबार २ सय ८ ओटा कम्पनीको ५९ हजार १ सय ५१ पटकको व्यापारमा भएको हो । उक्त रकम बराबरको १ करोड ५२ लाख ८९ हजार २५९ कित्ता शेयर कारोबार भएको छ । बैंकिङ १०, होटल २४, विकास बैंक ६, जलविद्युत ४, फाइनान्स ६ र उत्पादन ३३ र अन्य समूह २ अंकले घटेका छन् । ०००
