काठमाडौं, १५ माघ । क्यामरुनमा एक यात्रुवाहक बसमा आगलागी हुँदा ५३ जनाको ज्यान गएको छ । आगलागीबाट २९ जना गम्भीर घाइते भएका छन् ।
त्यहँस्थित स्थानीय अधिकारीका अनुसार पेट्रोलियम पदार्थ बोकेको ट्यांकरसँग ठोक्किएर बुधबार बसमा समेत आगलागी भएको हो । सो दुर्घटनामा परी मृत्यु भएकाहरूको शव जलेकाले पहिचान गर्न कठिन भएको छ ।
देशको मध्य पश्चिमी क्षेत्रमा पर्ने क्लिफ अफ डिस्चाङ भन्ने स्थानमा स्थानीय समयअनुसार बुधबार दिउँसो ३ः३० बजे दुर्घटना भएको अधिकारीहरूले बताएका छन् । दुर्घटनामा परेको बसमा ७० सिट रहेको थियो ।
्दुर्घटनाका बारेमा अनुसन्धान भइरहेको सरकारी अधिकारीहरूले जानकारी दिएका छन् । प्रारम्भिक विवरणअनुसार पेट्रोलियम पदार्थ ढुवानी गर्ने ट्यांकरका चालकले नियन्त्रण गुमाएकाले दुर्घटना भएको बताईएको छ ।
