काठमाडौं, १५ माघ । इङ्लिस प्रिमियर लिगको पुछारमा रहेको सेफिल्ड युनाइटेडले उपाधि होडमा रहेको म्यान्चेस्टर युनाइटेडलाई घरेलु मैदानमा पराजित गरेको छ ।
गएराति भएको खेलमा म्यान्चेस्टर युनाइटेड २–१ गोलअन्तरले पराजित भएको हो । खराब सुरुवात गरेको म्यान्चेस्टरका केइन ब्राइनले २३ औं मिनेटमा गोल गरेका थिए ।
तर, खेलको दोस्रो हाफमा ह्यारी मग्वायरले सेफिल्ड युनाइटेडका लागि गोल गर्दै खेललाई बराबरीमा ल्याएका थिए । त्यसको १६ मिनेट पछि ओलिभर ब्रुकले गोल गर्दै सेफिल्डको जित सुनिश्चित गरे ।
यता, २० खेलबाट ४० अंकसहित लिगको म्यान्चेस्टर लिगको दोस्रो स्थानमा रहेको छ । सेफिल्ड भने सिजनकै दोस्रो जितसहित लिगको पुछारमा रहेको छ ।
बुधबार नै भएको अन्य खेलमा नयाँ म्यानेजर थोमास टुचेलको नेतृत्वमा रहेको चेल्सी वुल्भ्ससँग गोलरहीत बराबरी खेल्न बाध्य बन्यो । त्यस्तै, तेस्रो स्थानमा लेस्टरले एभर्टनसँग १–१ को बराबरीमा चित्त बुझायो ।
