उपप्रधानमन्त्री पोखरेल सवार गाडी तोडफोड

नुवाकोट, १९ माघ । उपप्रधानमन्त्री तथा नेकपा ओली समूहका नेता ईश्वर पोखरेल चढेको गाडी तोडफोड भएको छ । प्रचण्ड–नेपाल समूहका कार्यकर्ताले कालो झण्डा देखाउने क्रममा पोखरेलको चढेको गाडी तोडफोड गरेका हुन् ।
उपप्रधानमन्त्री पोखरले सोमबार नुवाकोटमा एक कार्यक्रममा सहभागी हुनेक्रममा ओली र प्रचण्ड–नेपाल समूहबीच झडप भएको हो । गत पुष ५ गते प्रधानमन्त्री ओलीले प्रतिनिधिसभा विघटन गरेपछि प्रचण्ड–माधव समुहले काठमाडौं लगायत देशका विभिन्न ठाउँमा दैनिक रुपमा विरोध कार्यक्रम गर्दै आइरहेका छन् ।