आफू कुटिएको भन्दै सुष्मा कार्कीले दिइन उजुरी

काठमाडौं, २० माघ । आफूमाथि कुटपिट तथा गालीगलौज भएको भन्दै नायिका सुष्मा कार्कीले प्रहरी कार्यालयमा उजुरी दिएकी छन् । उनले मंगलबार दिउँसो महानगरीय प्रहरी वृत्त, दरबारमार्गमा उजुरी दिइएकी हुन् ।

प्रहरी नायब उपरीक्षक (डिएसपी) रामेश्वर पौडेलका अनुसार गएराति दरबारमार्गको लन्डन पब क्याफेमा झगडा भएको भन्दै नायिका कार्कीले उजुरी दिएकी हुन् । उनले नायिका स्वेता खड्काकी बहिनी आरती खड्का र पत्रकार उत्सव रसाइलीविरूद्ध उजुरी दिएकी छन् ।